MALAMPUSON ang ikaduhang higayon sa tinuig nga aktibidad nga naglangkob sa nagkadaiyang dapit sa nasud sa Aboitiz Power Distribution Utilities Group sa Visayan Electric Company (Veco) sa Barangay Sirao, dakbayan sa Sugbo kagahapon sa buntag.
Si Anton Marie Perdices, Chief Operations Officer (COO) sa Veco, nihatag og pamahayag sa Superbalita Cebu kabahin sa tinuig nilang gibuhat nga ang maong kalihukan usa ka pagpasiugda, kolaborasyon ug kooperasyon ug sila mismo ang nisagol-sagol sa matag grupo.
Gihimo ang aktibidad para mahibaloan kung unsay mga sekreto para maayo ang dagan sa paghimo niini ilabina sa paghatag og ideya.
Ang maong akitibidad nakatabang og dakong kausbawan sa paghatag og bag-ong mga ideya para sa mga bag-ong nisalmot niini.
Sigon niya sa mga mosalmot nga “You are not a VECO employee, you are Aboitiz Power employee, one day you will be ask to another utility and another place”.
Masaligon si Perdices sa siguridad sa mga lineman nga misalmot kay sa wala pa sila gasugod sa maong kompetisyon nag agi usa kini og safety orientation sa dili pa kini pagasugdan. Niingon usab siya nga ilang hunahunaon nga anaa sila sa tinuod nilang sitwasyon sa ilang kinabuhi para mas maka tutok kini sa ilang gibuhat samtang nagsaka sa mga poste.
Ang misalmot sa maong kompetasyon sa APDU RODEOLYMPICS nagikan sa Veco, Davao Light, Cotabato Light ug Enerzone nga sakop niini ang Mactan Enerzone, Balamban Enerzone, Lima sa Batangas Enerzone, Subic Enerzone ug Malvar Enerzone.
Sa wala pa nila gisugdan ang maong programa, nipakita ang 35 ka lineman sa ilang maanindot nga sa sayaw ug gani dakung kalipay ang mga kadagkuan sa APDU group sa ilang gipakita niini.
Aron ipakita nila nga walay limbong ug matawag kini nga friendly game, nag butang sila matag usa ka grupo og coach, umpire ug timer ug tuod man malampuson kini ug walay tensyon ang nahitabo tali sa nagkalain-laing grupo.
Malipayong gidawat sa mga mananaog hilabi na sa nakadawat sa unang ganti sulod sa tunga sa adlaw nga mao ang Red Team, ang ikaduha ang Black Team ug ang ikatulo mao ang Blue Team.
Si Jim Aboitiz, Executive Vice President and Chief Operations Officers, nidugang sa iyang pahayag atol sa gihimong APDU RODEOLYMPICS kung unsay rason nganung gihimo nila kini arong pagtinabangay. Iya usab gisay-say nga kung nganung adunay ing-ani nga kalihokan aron adunay mas hugot nga panaghigalaay matag grupo niini. Na awhag pod si Aboitiz nga dili lang ni ang maong kalihokan nga iyang gidumala, aduna pod siya technical working group nga gilangkuban sa nagkalin-laing kompanya. (Erwin Loregas - USJ-R Intern)