ANG 2018 Calinan Fiesta Open Chess Tournament tigian sa Hulyo 29.
Kini ang pahayag ni arbiter ug Calinan Chess Club president Joseph Palero sa gipadalang e-mail diin dunay kategoryang 17-under, 16-under, 13-under ug 10-under.
Dugang niya nga premyong kuwarta ang naghulat sa mga modaug sa usa ka adlaw nga torneyo nga gi-isponsoran ni Representative Alberto T. Ungab sa kooperasyon uban ang Calinan Barangay Council ug Calinan Chess Club.
Ang mokampeyon sa 17-under mouli og P2,000 samtang ang mosunod nga upat ka puwesto makadawat og P1,000, P500, P300 ug P200 sa maong
han-ay. Ang unom hangtud ikanapulo dunay P100 matag usa.
Ang tulo manguna magduduwa sa Calinan kini kompetisyon mahatagan og P500, P300 ug P200.
Ang boys 16-under ug boys 13-under champions mouli og P1,000 samtang ang runners-up dunay P700 matag usa ug ikatulo makakuha og P400 matag usa.
Samtang ang girls 16-under, girls 13-under ug boys 10-under champions tunulan og P700.
Sa pagkakaron, nagpadayon pa ang rehistrasyon sa kantidad P100 alang sa 17-above players ug P50 alang sa mga residente sa Calina sa kini kategorya.
Ang tanan kategorya mobayad og P50 sa matag magduduwa apan ang Calinan chessers mahimo nga libre.
Alang sa dugang impormasyon, ikontak si Palero sa numerong (0946)-4067722. (MRP)