Si JAY-AR “The Hitman” Inson mitala og unanimous decision nga daug batok Australian Terry Tzouramanis niadtong Dominggo sa Pacquiao-Matthysse “Fight of Champions” undercard sa Axiata Arena in Kuala Lumpur, Malaysia.
Ang Philippine welterweight champion sa Team MP kasamtangang naggunit sa 17-1 win-loss record human gisundan ang pagdaug kontra four-time Victorian champion Tzouranamis (19-4-3).
Kini ang ikatulong sagunson daug human mapakyas kang African boxer Thulane Mbenge sa 2017.
“Pasalamat kaayo mi sa Ginoo sa gihatag niya nga safety sa amoa. Dili lang ni para sa akoang pamilya kon di para pod sa tibuok Pilipinas,” sulti ni Inson, ang produkto sa Barangay Una Boxing Team of Davao del Norte atol sa iyang amateur boxing years, sa iyang Facebook video.
Bisan midaug si Inson, migawas siya sa ring nga nagkabun-og ang iyang nawong.
“Puro po ito tama sa ulo. Palagi kasi siyang yumayakap sa akin kaya natatamaan ako ng headbutts,” niya pa.
Giangkon sab ni Inson nga nasakitan siya atol sa away.
“Nasaktan po ako. In-expect ko din na magtatagal ang laban kasi matibay din siya at mas marami na siyang nilaro keysa sa akin,” sulti ni Inson sa beteranong Aussie.
Apan giangkon niya nga magbansay siya og maayo ug mosunod sa iyang idol ug boss Senator Manny Pacquiao kinsa gipatumba si Matthysse sa ikapitong round pinaagi technical knockout (TKO).
Apan ang teammate niya nga si Vincent Astrolabio, nakatilaw og TKO sa kamot ni Japanese Yuki Strong Kobayashi. (ABM)