NAPUTOS sa daghang pagsaway ang ABS-CBN sports reporter nga si Dyan Castillejo tungod sa pagtawag niya nga “Your President” ni Presidente Rodrigo Duterte sa interbyu niya ni Senador Manny Pacquiao.
Nahitabo ni pila ka minuto human gi-TKO sa Pambansang Kamao ang Argentine boxer nga si Lucas Matthysse sa WBA Welterweight champion bout sa Axiata Arena, Kuala Lumpur, Malaysia, niadtong Dominggo.
“What a great performance, Manny. I'm sure you wanna address your fans all over the world and your President sitting way up there,” matud pa ni Dyan kang Pacquiao.
Lakip sa mga ni-bash ni Dyan mao ang broadcaster nga si Jay Sonza ug si Arnell Ignacio.
“Are you even a Filipino? Who is the president of your country? Sumagot ka, p..ye..ka,” birada pa ni Sonza. Matod usab ni Arnel, “Sa mga ganyang pambabastos, makikita mo, mabait pa rin talaga si PRRD e.”