NIBANGGA sa kongkreto nga waiting shed ang us aka trailer truck diin nabunal ang ulo sa drayber niadtong Hulyo 17, 2018 mga alas 2 sa kaadlawon sa Zone 2, Barangay Agusan, dakbayan sa Cagayan de Oro.
Patay na nga gidala sa Northern Mindanao Medical Center (NMMC) ang drayber nga si Danell Mar Macatol, gibana-banang anaa sa 40 ngadto sa 50 ang pangidaron minyo ug residente sa Tagoloan, Misamis Oriental kinsa drayber sa trailer truck nga gipanag-iyahan sa usa ka trucking services.
Matud sa tambalanan nga ang pagka bunal sa ulo u gang grabeng samad niini maoy hinungdan sa hinanali niyang kamatayon.
Gibutyag sa Barangay Administrator sa Barangay Agusan nga si Kenneth Piloton nga maayong pagkabangga sa maong trailer truck sa kongkreto nga waiting shed sa nahisgutang dapit.
Aduna’y alegasiyon nga subay sa mga residente nga unang naka responde nga nanimaho sa ilimnong makahubog ang drayber apan dili pa kini kumpirmado.