IPATAWAG sa konseho ang tag-iya sa Freedom Traders Club (FTC) aron pagtubag sa alegasyon kalabot sa scamming diin ubay-ubay na usab ka mga empleyado sa City Hall ug mga negosyante sa syudad sa Cagayan de Oro ang ming-invest sa vehicle o “crypto currency.”
“Tawgon nato kay para man ni sa safety sa atong mga tawo sa Cagayan kay simbako ilang kwarta mga hard-earned raba na siya,”matod ni Konsehal George Goking, Chairman sa Trade, Commerce and Industry.
Giingog ipatawag una sila aron paminawon ang ilang habig pagtubag sa mga alegasyon ilabi na nga wala sila marehistro sa Securities and Exchange Commission (SEC).
“Mag invest ka paghuman wla na’y makit-an ana so ang mga hard-earned money aha man paingon? So that’s why we have to make sure nga ang mga tawo nga nag invest ani safety pud ilang kwarta,” dugang niini.
Gitakdang magtagbo ang kumitiba ni Goking lakip na ang SEC, Department of Trade and Industry ug ang founder sa FTC.