Robredo malipayon nga taas iyang survey sa Mindanao

MALIPAYON si Vice President Maria Leonor “Leni” Gerona Robredo sa nakuhang taas nga rating sa bag-ohay lang nga resulta sa Pulse Asia Research, Incorporated survey niadtong Biyernes, Hulyo 13, 2018.

Si Robredo mibisita sa dakbayan sa Cagayan de Oro niadtong Hulyo 16, 2018 sa N-Hotel alang sa “Gabi ng Parangal” sa mga kabatan-onan ubos sa proyekto niini nga Angat Buhay.

Matod ni Robredo dako kining butang alang niya sanglit sa milabay nga survey sa Pulse Asia sa Mindanao ug Manila ubos man ang iyang rating.

Nasayran nga sa Mindanao misaka kini sa 17 gikan sa 58 porsiyento namahimong 73 porsiyento nga gikalipay niini pag-ayo.

Nasayran nga sa milabay nga national survey nga gipahigayon niadtong Hunyo 15 hangtod 21 ning tuiga, misaka ang performance sa bise president og 7 porsyento gikan sa 55 porsiyento niadtong Marso ngadto na sa 62 porsiyento sa bulan sa Hunyo. Misaka usab ang trust rating niini gikan sa 53 porsiyento ngadto na sa 56 porsiyento sa susama nga mga bulan.

Nakakuha usab kini og dakong pagsaka sa rating sa Metro Manila diin misaka og 20 porsiyento ang performance niini gikan sa 38 porsiyento nahimo na kinig 58 porsiyento.

Apan niubos ang performance niini sa Visayas gikan sa 72 porsiyento ni us-os kini ngadto sa 63&.

Samtang taas usab ang nakuha nga rating ni Presidente Rodrigo Duterte gikan sa bulan sa Hunyo diin miabot kini og 88 porsiyento gikan sa 80 porsiyento sa bulan sa Septyembre 2017 hangtod sa Marso 2018.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph