GIAPROBAHAN na sa Konseho sa siyudad sa Cagayan de Oro ang ordinansa nga Public-Private Partnership for the People (P4) Initiative.
Ang maong ordinansa giduso ni Konsehal Goerge Goking kinsa dako ang pasalamat tungod kay alang kaniya dako kini og tabang sa katawhan sa siyudad.
Sa pakighinabi sa SunStar SuperBalita kang Goking, iyang gibutyag nga ang P4 dako og tabang aron masulbad ang problema sa trapiko, social housing, edukasyon ug uban pa.
Matud ni Goking nga ang ordinansa diin lakip niini mao ang mga investor, pakigpartner sa pribado ug pampublikong mga sektor ug libre nga tax sulod sa upat ka tuig.
Mapasigarbuhon usab kini nga mibutyag nga ang siyudad sa Cagayan de Oro ang una nga nag-approved niini nga ordinansa.
Nasayran nga ang Department of Interior and Local Government nag-aghat sa mga lokal nga panggamhanan sa pakiglambigit sa public-private partnership alang sa kalamboan ug sa pag-promote diha sa pagmugna og negosyo sa mga lokalidad.