Dear Papa Joe,
Tawga lang kog Ashley, byuda. Duna koy usa ka anak nga dalaga samtang ako hot mama. Sukad ko nabyuda, nag-maintain ko sa akong lawas. Healthy diet ug exercise ang akong sekreto nga bisag edaran na ko, dili pa gihapon malupigan sa mga batan-ong dalaga.
Duna koy uyab nga byudo sab, 55 years old. Ang akong problema nagsugod dihang niabot ang anak sa akong boss gikan ug America. Usa ka ulitawo nga 25 years old ug pwerting gwapoha, macho pa gyud kaayo.
Sa sinugdan nagtuo kog motherly gestures lang ang iyang pagsigeg duolduol nako. Pero usa ka adlaw niana, kami lang duha ang nahabilin sa office. Niduol siya nako ug iya kong gihagkan. Ug nahitabo gyud ang giingon nila pa nga away sa leon ug karnero. Pero ka usa ra gyud to nahitabo kay wala na ko mopatol pa sa iyang pa sweet-sweet nako.
Way kalibutan ang akong uyab nga byudo. Ug karon lang bag-o, ni propose pa nako nga magpakasal kuno mi. Naglibog kog unsay akong buhaton. What if makahibawo siya sa among secret affair sa anak sa akong boss? Gusto kong sultihan siya sa tinuod pero nahadlok kong masuko siya. Unsay akong buhaton? Please tambagi ko.
ASHLEY
Dear Ashley,
Walay aso nga makomkom. Mas maayong sultian na lang nimo sa tinuod ang imong uyab nga byudo para wala ka nay daghang huna-hunaon. Kana kon willing kang magpakasal niya. Timbang-timbanga lang kon andam kana bang mosud og laing kaminyuon. You need to be honest to him before ka magpakasal niya kay sa adto pa unya niya mahibaw-an sa laing tawo.
About sa imong boytoy nga batan-on ug anak pa gyud sa imong boss, you should be careful kay basin og mahibaw-an ka sa iyang mga ginikanan batan-on pa ra ba na. Sa laing bahin, wala gani ta masayud og giduwa-duwaan kalang sab niya. Daghang salamat.
PAPA JOE
(Sa inyong mga problema, ipadala lang sa papajoesuperb@gmail.com)