Mga kontrabando iyagyag sa Customs

ANG Bureau of Customs (BOC) Davao mopahigayon og pag-abli sa mga container van nga dunay mga kadudahang sud gikan sa mga kuwestiyonableng consignee.

Sumala ni Joshua Gilles, usa sa mga public relations sa BOC-Davao, nga matigayon karong buntag ang pag-abli sa mga container van nga gituohang dunay mga ukay-ukay ug uban pang mga produkto gikan nasud China nga wa miagi sa hustong proseso.

Mismong si BOC Commissioner Isidro Lapeña maoy mosubay sa mga container vans ug mosaksi sa pag-abli sa mga alerted shipments didto sa Davao Customs-House, Sasa Wharf, Davao City.

“May ii-inspect at bubuksan po si Commissioner Isidro Lapeña na mga alerted shipments containing ukay-ukay and other items from China,” ingon ni Gilles.

Ang BOC-Davao daan nang nag-alerto ugaling dunay mga kadudahang kontrabando nga moabot sa pantalan sa Sasa ug ilaha dayon kining inspeksiyunon ug aksiyonan.

Kung masuta nga dunay kalapasan ang mga consignee niini, ilaha dayon kining patubagon subay sa balaod.

Ning bag-o lang gipangguba ang mga mahalong sakyanan nga nasakmit sa BoC didto sa Manila pinaagi sa pagligis sa pison compactor. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph