GIILA na ang mga mananaug sa video-making contest sa lokal nga kagamhanan sa dakbayan sa Davao nga, “Destination: Davao,” diin ang unang ganti dunay mokabat P30,000 ang premyo.
Ang indigay dunay tema nga “Flavors of Davao” nga gisalmutan sa mga video enthusiasts uban sa tumong nga mas maila pa ang dakbayan sa Davao isip nag-una kung hisgutan na ang lamian nga mga putahe uban sa mabulukong pagpakita ug ang pagpasigarbo sa kulturan ug kinaadman sa mga Dabawenyo.
Sa impormasyon gikan sa City Information Office (CIO), ang misungkit sa 1st place mao ang Flavors of Culture X Culture of Flavors, entry sa Big Black Panda Co.
“By looking through the perspectives of the people behind, from farmers, food technologists, chefs to consumers, we do not only promote the richness of our homegrown produce - we also put emphasis on how these flavors fortify our Davaoeño culture and essentially, our humanity,” sulti ni Jean Kirvy Waga, director/screenwriter sa Big Black Panda Co.
Nahimong 2nd place ang Tilaw Dabaw sa Dilaab Productions nga modala sa P20,000 nga premyo samtang ang Chibog ni Ma. Zysa Hacosta maoy 3rd Place ug mao sab ang People's Choice Award nga mihakot og P15,000.
Unom sab ang mga runner ups nga dunay premyo nga tag P5,000 mao ang Fun, Food, and Frolic; A Taste of Home; Change; Tilaw Dabaw (CSMS); Flavors of Davao; ug Taste of Davao.
“It is good in its overall content and meets the basic objectives of the contest-to showcase the flavors of Davao. Not only does it tell a story of how a product is processed from the farm to the table, but it also features places that are identified with Davao,” sulti sa Journalist nga si Lillian Mellejor, kinsa usa sa mga panel of judges sa maong indigay. (Jeepy P. Compio)