DEAR Tita Heart,
Maayong adlaw kanimo tita ug sa mga suki sa SunStar SuperBalita. Akong problema tita kay nakauyab ko tita pero akong pamilya sige saway sa akong uyab nga pangit ug hitsura. Unsa man akong buhaton tita nga maundang ni ilang mga saway?
Rina
*****
Hello Rina,
Mas maayo siguro nga ipasabot kanila nga respetuhon siya kay uyab na nimo. Makaubos pod baya na sa kumpiyansa sa kaugalingon ang mga ingon ana nga saway. Usa pod sa problema nga batasan sa Pinoy kay mga hinawayon unya dili raba perpekto. Kung di madala og storya...idedma ug padayon mo sa inyong gibati duha. Dili man sila mag ipon kon kamo maminyo kondili kamo man duha.
Tita Heart