UBAY-UBAY ka mga motorela ang nasapon sa Roads and Traffic Administration (RTA) sa gipahigayon nga 2nd phase sa pagpangdakop niadtong Hulyo 17, 2018 sa gabii.
Giingong sa unang hugna nasapon ang onse ka mga motorela ug ang laing siyam diin pipila niini ang wala’y mga prangkisa ug kung aduna man wala’y mga kopya sa taripa kay nalimtan ug wala sa ilang mga ruta.
Pipila sa mga drayber niingon nga nasayod na sila nga aduna silay mga kakulangon apan wala silay laing mahimo kay lage nanginabuhi usab sila.
“Among gi-apperehend ang uban,nasayod man sila ingon sila wala’y panginabuhi-an lage kuno, abi nila wala’y dakop, namasahero sila nga wala’y ilang prangkisa, mao to among gipangdakop” matod ni traffic enforcer Francisco Porcena sa usa ka interbyu sa radyo.
Ang mga motorela naka-impound na sa buhatan sa RTA.