Financial aid sa senior ihatag sa Cebu City

LAING hugna sa distribution sa financial assistance alang sa senior citizens ihatag na usab karong Sabado, matod ni Lourdes Ann Lipangog, executive assistant sa Office for Senior Citizens Affairs (OSCA).

Gipahibalo ni Lipangog nga ang financial assistance distribution ipahigayon sa matag barangay gikan sa alas 8 sa buntag hangtod sa alas 12 sa udto.

Iyang gipahinumdoman ang mga senior citizen sa pagdala sa ilang original senior citizens identification (ID) card sa ilang pag-claim sa P1,000 nga financial assistance.

Matod pa ni Lipangog nga adunay 67,300 ka mga miyembro sa mga senior citizen karon tuiga.

“Mas maayo man og didto sa barangay mo claim kay duol. Then mas sayon pod para nila. I-encouraged lng nako, sa July 21 ang ilang kuhaon didto sa ilang matag barangay nga allocation nga P1,000,” matod pa ni Lipangog. (Erwin Loregas- USJ-R Intern)