GUSTO na mag-move forward ni San Antonio Spurs coach Gregg Popovich sa isyu nga pagbalhin ni Kawhi Leonard padulong sa Toronto Raptors.
Giangkon ni Popovich nga kaniadto pa gusto nang mohawa ni Leonard ug mobalhin sa Lakers hinungdan ang nahitabong trade nga sakto sa panahon karon.
Milikay na sab balikan sa coach ang pagpaningkamot nila kaniadto nga mapabilin pa unta sa team ang kanhi Spurs coach Gregg Popovich ug Kawhi Leonard.
Sa pagkakaron, matud ni Pop, naghinam-hinam siya sa pagsulod sa team ni four-time All-Star DeMar DeRozan ug Jakob Poeltl.
Lakip pa sa gidawat sa Spurs sa package deal ang protected 2019 first-round pick alang kang Leonard ug Danny Green.
“I am thrilled to have DeMar and Jakob join us. From that point on, that is where my focus will be. I am not too interested in talking about the past,” ni Popovich sa usa ka interbyu.
Giklaro sab niya nga di isyu kang Leonard ang kuwarta maong nibalhin kini.
Sugod unta Lunes kay eligible na si Leonard nga mopirma og lima ka tuig nga $221 million super-maximum contract extension sa Spurs una ang trade.
Ang Toronto sab kay mahimong motanyag kang Leonard og five-year, $190 million contract aron mapapirma sa team sa sunod nga summer.
Kung ugaling mohawa si Leonard puwede niyang paakon ang four-year, $141 million deal nga may team cap space.
Samtang sumala pa nga giagi sa social media o Instagram ni DeRozan ang iyang pagkadismaya nga mabalhin sa laing team.
Tungod niini, nakadawat og daghang mga komento ang maong post gikan sa mga fans ug players sa NBA.
Duna pay tulo ka tuig ug $83 million nga nabilin sa kontrata ni DeRozan lakip na ang Early Termination Option alang sa 2020-21.