MIPAGAWAS og P100,000 nga reward money ang kagamhanan sa probinsya sa Misamis Oriental sa makatumbok sa mamumuno ni kapitan Alfred Zapanta, molopyo sa Barangay Danao, lungsod sa Jasaan, Misamis Oriental.
Nadesisyunan ang maong kantidad human sa panagtagbo sa Provincial Peace and Order Council sa Misamis Oriental nga giulohan ni Misamis Oriental Governor Yevgeny Emano.
Gipadayag ni Emano ang iyang kasubo sa pagpatay kang Zapanta nga iyang gihulagway nga matarong ug buotan nga kapitan.
Usa sa gilantaw nga motibo sa Task Force Zapanta ang pulitika apan padayon pa kining gisuta ning panahona.
Si Zapanta gipusil patay samtang kamulo siya bahog sa mga binuhing baboy.
Duha ka mga lalaki nga nagbonnet maoy responsable sa pagpamusil ug padayon ang pag-ila sa mamumuno hangtod karong panahon.