IHATAG na ngadto sa Road and Traffic Administration (RTA) ang mga police outpost sa Cagayan de Oro Police Office (Cocpo) aron duna silay mapasilongan.
Si Police Superintendent Mardy Hortillosa, tigpamaba sa Cocpo, niingon nga tumong usab niini nga malikay sa mga isyu ang kapolisan.
“Ang purpose ana para magamit nila ug dili na pud ma-issue ang police nga nay outpost wala’y police,” pahayag ni Hortillosa.
Subay usab niini, uyon si Police City Director Nelson Aganon nga kinahanglan nga kanunay magpatrolya ang mga polis ug dili lang magtambay sa usa ka lugar.
Gikatakda usab nga ilisan og ngalan ang mga police outpost aron dili masaypan nga iya kini sa kapolisan.