MOKABAT ngadto sa P350 mil kapin kon kulang ang nasakmit nga ginadiling druga gikan sa usa ka biyuda kinsa giingong bakwit atol sa drug bust niadtong Hulyo 18, 2018 likod sa Kapitolyo ning dakbayan sa Cagayan de Oro.
Sikop si Faidah Marabong alyas Sani In, 27, residente sa Tambakan, Iligan City, Lanao del Norte kinsa giingong bakwit gikan sa Marawi City.
Sa nahipos nga impormasiyon gikan sa Police Station 3 (PS3) sa Agora nasayran nga napalitan ang suspek ginamit ang usa ka libo nga mark momey.
Giingong taud-taud na nila kining gipanid-an ug gani ang transaksiyon niini tabok-tabok gikan sa Iligan paingon sa dakbayan ug balik na usab sa maong siyudad.
Dugang sa kapolisan nga maglisod sila og kontak sa suspetsado hinungdan nga naglisod sila pagdakop niini apan swerteng nasikop si Marabong atoll sa operasyon.
Ang maong suspek kasamtangang anaa na sa mini-cell sa PS3 sa Agora.