SUPERBALITA CEBU

Binilyon nga kita sa Mandaue gilantaw

Moabot ngadto sa P3 billion ngadto sa P5 billion ang gikatakdang kitaon unya sa kagamhanan sa dakbayan sa Mandaue sa buhis gikan sa Millenium Pan-Asia Hotel and Resort Inc. (MPAHRI) nga nagtinguhang himuong “tourism magnet” ang Cebu International Convention Center (CICC).

Kini maoy gipaambit ni Mayor Luigi Quisumbing sa dihang nahinabi sa mga tigbalita.

Matod ni Quisumbing nga ang pangagpas base sa projection sa buhis gikan sa City Treasurer’s Office sa unang lima ka tuig nga operasyon sa MPAHRI.

“We hope that this is the first snowball in what will be an avalanche of economic benefit for Mandaue City,” matod ni Quisumbing.

Ang mayor kampante sa kalambuan sa dakbayan nga makatabang sa ekonomiya sa dakbayan aron makahatag og mas maayong serbisyo ang kagamhanan sa konstituwente niini.

Paambit pa ni Quisumbing nga gawas sa buhis, linibo usab nga trabaho ang mahatag sa pagpalambo sa MPAHRI niadtong mga lumad sa Mandaue.

“It will bolster our local economy through taxation sa local revenue. Aside from that, it is projected to create 5,000 new jobs.

The commitment of the developer is that a minimum of about 60 to 70% of those jobs are going to be filled by Mandauehanons.

This is direct employment which means this is a full time job that will be created in the complex itself,” padayag ni Quisumbing.

Dugang niya nga mga 10,000 ngadto sa 12,000 sab ka indirect employment sama sa mga panday, plumbing ug uban pa ang gipangita sa management sa MPAHRI alang sa pagtrabaho unya sa CICC nga himuong “Infinite City” resort nga may duha ka mga hotel ug serviced apartments, grand casino, indoor theme park, sinehan, pool garden, shopping center, mga opisina ug 15,000 metro kwadrado nga convention center.

Sigun sa mayor nga gikatakdang magsugod sa pagtrabaho ang MPAHRI karong Oktubre.

Ang unang phase sa proyekto gikatakdang mahuman sud sa 30 ka buwan ug ang kinatibuk-ang proyekto mahuman sud sa 50 ka buwan kon kapin sa upat ka tuig, ni Quisumbing.

Di alkanse

Gitataw sa mayor nga di alkanse ang Mandaue sa pagpalit sa CICC gikan sa Kapitol sanglit mabawi ra man ang P300 milyones nagasto sa dakbayan sa renta ug buhis sa MPAHRI.

Matod niya nga bisan i-develop sa MPAHRI ang CICC, ang Mandaue gihapon ang nanag-iya sa luna nga gipaabangan ubos sa lease agreement. Sumala niya nga niuna og bayad og P200 milyones ang developer, pasabot nga sobra na sa katunga ang nabawi sa kagamhanan sa gigasto niini pagpalit sa CICC.

Gawas niini, magbayaran sab og P3 milyones nga developer sa dakbayan matag buwan, pasabot nga mabawi ra sa mandaue ang nahabiling P100 milyones sud lang sa tulo ka tuig.

“In every 4 years, there is acceleration (sa renta) which means every 4 years ang P3milyon mahimong P5milyon, a few years after that mahimong 8million etc.,” pahibawo ni Quisumbing. (JPP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph