SUPERBALITA CEBU

MORI: Labing Unang Digital Museum

Susama nga nitaak ka sa laing planeta. Kini imong masinati sa pagsud pa lang nimo sa labing unang digital museum sa kalibutan.

Ang MORI Building Digital Art Museum sa EPSON teamLab Borderless nga nahimutang sa Odaiba, Tokyo, Japan maoy giisip nga “most intragrammable” nga museum, sigun pa sa mga international news websites.

Sukad sa pag-abli niini niadtong Hunyo 21, wa na kini lung-i pa sa publiko.

Matag adlaw kining gidagsa ug kanunay sab nga sold-out ilang tickets online.

Adunay lima ka section ang museum diin sud niini 50 ka nagkalainlaing lawak nga lahi-lahi og tema nga imong masinati.

Sumala pa sa ilang website nga ang museum gipadagan sa 520 ka mga computer ug 470 ka mga projector nga nahimutang sud sa 10,000 metro kwadrado nga building.

“A completely new world unparalleled in the world characterized by complex and three-dimensional space,” matod pa sa ilang website.

Ang nakalahi sa MORI Building Digital Art Museum sa uban mao nga “interactive” ug “immersive” kini sa mga mosud didto.

Pasabot nga mahimo nimong mahikapan ug unlimited nga mahulagwayan ang imong makita didto. Mahug sab nga lakip ang mga bisita sa exhibitions sa sud.

Ang laing nakapabilib ning tigsuwat sa pagbisita sa museum niadtong Hulyo 5, mao nga way mapa nga ihatag ang mga staff nimo ug way balaod nga imong sundon gawas sa mga gagmayng mga pahimangno sama sa gidili ang selfie stick ug tripod lakip na ang pagdala og mga pagkaon sa sud.

Ila kining gituyo aron nga masaag ka sa dapit ug ikaw mismo ang personal nga modiskubre sa mga nagkadaiyang sekreto sa mga suok niini.

Pipila sa mga maanindot nga exhibit nga nasudlan ning tigsuwat mao ang Flower Forest, Lamp Forest nga gidukan og taas ang linya, Flower Waterfalls, ug Drawing Aquarium diin mag-color ka sa imong kaugalingon art (sea creature), kini i-scan og imong makita imong art nga mabuhi ug molan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph