SECTIONS
Sunday, October 21, 2018

#gukodpamore

Saksi

Human midaog si Nina Mabatid isip kapitan sa Barangay Mabolo ug wala mo-abin sa Bando Osmena Pundok Kauswagan (BOPK) ug labi na sa pagtumaw sa iyang pangalan nga mipakita og interes nga molansar sa pagka-presidente sa Association of Barangay Council (ABC), wala na siya lung-i og gukod sa “kanhi laos nga pulitiko.”

Gisalikway na si Nina sa BOPK. Pero nganong gisalikway man siya nga wala man siya magpasakop sa BOPK? Wala man gani siya mohurar. Unya, gikuhaan na ang Mabolo sa mga sakyanan sama sa multi-cab ug garbage trucks nga giisyu sa City Hall. Gipangklaman man gani ang mga sakyanan nga gipang-parking sa daplin sa kadalanan. Sa panahon pa ni Kapitan Rey Ompoc sulod sa pipila ka mga katuigan, diha na magparkingan ang maong mga sakyanan.

Kining mga kaso usab nga giatubang ni Nina karon aduna usay kalabutan ang kanhi laos nga pulitiko niini. Si Atty. Daniel Arguedo, ang kaatbang ni Nina, mao na karon ang gitudlo nga pangulo sa Barangay Mayor’s Office (BMO). Daghang mga kaso ang gipasaka si Arguedo batok ni Nina.

Una, mipasaka siya og kaso nga vote buying kay matod pa namalit og boto si Nina. Apan gi-dismiss dayon kini sa korte kay walay igong basihanan.

Ikaduha, mipasaka usab si Arguedo og quo warranto gumikan kay matod pa wala magpuyo si Nina sa Mabolo kay atoa sa Talamban. Wala maka-comply si Nina sa one year residency. Apan si Nina diha matawo ug magtubo sa Mabolo. Registrado siya sa maong barangay sukad 1990.

Isip abogado, nahibawo si Arguedo nga walay igong legal nga basihanan ang iyang mga kaso. Gani, una naman kining gi-dismiss sa korte. Apan iya lang gihapon nga gipadayon isip pagpang-harass sa kapitan. Makapa-abot pa nga daghang mga kaso ang atubangon ni Nina. Gani gibaharan naman siya sa “kanhi laos nga pulitiko” nga mangayo og court clearance kon mosulod sa iyang opisina.

Kining “laos nga pulitiko” mangginukdanon Wala lang niya hunahunaa kon unsa ang natabang ni Nina kaniya niadtong temporaryong wala siya sa gahum. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!