GIBUTYAG sa director-actor Dinky Doo nga dunay plano ang Wowowin TV host Willie Revillame nga modagan sa senado kon di man gani pagka-mayor sa Quezon City.
Andam sad kuno siyang mahimong campaign manager sa iyang suod nga higalang si Willie nga matud niya “75 percent chance” molansar sunod tuig.
“Actually, kina-campaign ko na din siya, kasi kina-campaign ko na siya sa Marawi, sa Mindanao,” matud ni Doo sa interbyu sa Pep.ph. “Naniniwala kasi ako sa kanya na kailangan niya na tumakbo. Kasi madami na siyang pera, kasi hindi na siya magko-corrupt, di ba?”
Hasta si Presidente Rodrigo Duterte giawhag si Willie nga modagan sa pagka-senador. Kay mas daghan kunong matabangan ang 57-anyos nga si Willie kon usa na siya ka public official. Ang gipaabot na lang karon ni Willie ang sign gikan sa Ginoo.