Ernesto D. Lariosa
San Fernando, Cebu
Kagahi sa panas nga way igsusulti
Sama sa itom nga linaksi gikan sa nagbuntaog
Nga kagabhion gisuwayan sa kamot paghakgom
Di masukod bisan sa mga gutlo.
Ingon ani ang pagtutok sa dagat nga way mga balod
Di gihapon madatom ang ilawom
Sa pagginhawa diin mahingos ang bahong hangin
Nga wa tuyoa nga nasimhot
Sa hataas nga kahilom nga unta mabuak man
Kini sa usa lang nimo ka igham.