“SAYUNAN baka nga pahawaon ka nga walay relokasyon?” Kini ang pahayag sa Purok lider sa Brgy. Katipunan sa lungsod sa Villanueva kinsa usa sa apektado sa gitakdang demolisyon karong panahona.
Matud ni Rene Tumayao nga moabot sila sa 47 ka balay ang gipadad-an og notice nga i-demolish ang ilang dapit alang sa road widening.
Apan ilang problema walay saktong relokasyon nga gitanyag kanila.
Kon mahitabo ang demolisyon daw wala gayud silay mabalhinan.
Samtang ang kagawad sa maong barangay nga si Floresca nakasaway usab sa programa sa Department of Public Works Highways (DPWH).
Tinuod nga adunay sayop ang katawhan kay nagpuyo daplin sa kadalanan apan dugay na kaayo nga panahon nagpuyo unta adunay relokasyon.
Gi-request na ilang relokasyon apan adunay mga kausaban.
Gani ang katawhan daw willing kaayo nga manghawa apan lang unta dunay saktong relokasyon.
Malaumon kining marelokar sila sa labing daling panahon tungod kay ang pagpahawa nila mahitabo na karong umaabot Lunes.