ORMOC CITY - Namatay na ang gamayng dolphin nga nakit-an sa kabaybayonan sa Barangay Macabug ning dakbayan.
Matod ni Irish Belmonte sa City Fishiries Section, acoustic trauma ang hinungdan sa pagkamatay sa dolphin. Nakit-an ang dolphin Martes sa buntag, gidala kini sa Fishiries Section ug gipalangoy langoy sa usa ka container.
“Pagkita namo naa nato siyay garas sa may baba. Okay pa kaau siya pagdala namo pero pag alas 3 pasado sa kadlawon, nag kisi kisi na mao to pagka alas 4 namatay gyod,” matod ni Belmonte.
Mitimbang og 30 kilos ang maong dolphin ug gikatakda untang ibalik sa dagat kung mo lurang na ang dagkong bawod.
Gikuha na sa taga Bureau of Fishiries and Aquatic Resources (BFAR) 8 ang patayng lawas sa maong dolphin. (JKDP)