BAYBAY CITY - Unom ka drug personalities lakip ang usa ka Sangguniang Kabataan (SK) chairman ang nasikop sa Philippine Drug Enforcement Agency (PDEA) 8 ug kapulisan sa usa ka buy bust operation.
Ang operasyon gipahigayon sa Barangay Guadalupe ning dakbayan. Giila ang mga dinakpan nga sila si Jomar Jose Polo, 22; John Paul Navales, 24; Jester James Lora, 22; Epheren Son Flores, 30; Edison Flores, 31 ug Don Francis Pascua, SK chairman ug taga Poblacion Inopacan Leyte.
Gawas sa pagkasikop sa mga suspek, nabungkag usab sa mga awtoridad ang usa ka drug den.
Nasakmit sa kapulisan ang lima ka pakite sa gituhoang shabu nga motimbang og tres gramos ug mga paraphernalia. (JKDP)