SECTIONS
Sunday, December 16, 2018

Mga armas nga gipalusot sa Samar gikan sa Sugbo

USA ka drayber ug pahinante sa bus nga gipanag-iya sa munisipyo sa Marabut, lalawigan sa Samar ang nasikop sa kapulisan human suway nga mipalusot og mga dili rehistradong armas agi sa pantalanan sa siyudad sa Sugbo nga gisakay sa naaosy nga bus.

Nakadawat og tawag ang Waterfront police station gikan sa port supervisor sa Roble Shipping Lines labot sa armas nga nakit-an sa usa ka bus nga gisakay sa ilang barko nga M/V Joyful Star nga mobyahe paingon sa syudad sa Ormoc.

Pasado alas 9:00sa gabii niadtong Hwebes, dali nga miresponde ang kapulisan nga gipangulohan ni Sr. Insp. Joemar Pomarejos ug ilang gisusi ang bus nga gipanag-iya sa kagamhanan sa lungsod sa Marabut.

Kinartong armas

Sa ilang pagsulod ilang nakita ang usa ka karton nga gibutang sa overhead baggage tray nga adunay mga armas sa kalibre .357 samtang ang lima ka kalibre .45 ug upat ka kalibre .38 ilang nakuha sa ubos duol sa sound box.

Nasikop ang driver ug ang pahinante sa bus nga pulos kawani sa kagamhanan sa Marabut sa Samar nga silang Joel Pedrosa, 50, taga barangay Tinabawan, ug Herman Gagmata, 31, taga barangay Binokyahan sa maong lungsod.

Gihimakak matod pa sa mga dinakpan nga ilaha ang mga armas kay matod pa igo lang sila nga gipakuha sa bus nga bag-ong napalit nga heavy equipment sa kagamhanan sa lungsod.

Ang maong mga armas gituohan nga gipalit sa syudad sa Danao nga gisubay pa sa kapulisan sa siyudad sa Sugbo inabagan sa Criminal Investigation and Detection Group (CIDG) 7.

Mokontak sa Samar

Si Sr. Supt. Royina Garma, hepe sa Cebu City Police Office (CCPO), nakig-alayon karon sa CIDG-7 aron mo palawom pa sa imbestigasyon kung kinsay nanag-iya sa maong mga paltik nga armas.

Usa sa ilang subayon kung wala bay kalabutan ang mayor sa maong lungsod nga si Mayor Elizabeth Ortillo sa pagpalusot aron gamiton sa umaabot nga eleksyon sa sunod tuig.

Opisyal gitumbok

Gipaubos na sa CIDG-7 sa imbestigasyon ang duha ka dinakpan ug gikuhaan sa ilang pamahayag diin aduna matod pa kini inisyal nga kasayuran nga gihatag kanila.

Matod ni Chief Insp. Hector Amancia nga adunay usa ka dakong opisyal sa munisipyo ang ginganlan ang duha nga mao nga, matod pa, ang nagsugo kanila sa pagkuha sa bus aron dalhon sa probinsya sa Samar.

Makig-alayon usab ang CIDG-7 sa ilang counterpart sa rehiyon 8 aron makuhaan sa ilang habig ang lokal nga kagamhanan sa Marabut sanglit sa ilang sakyanan nakuha ang maong mga armas.

Sa pagkakaron, gitanggong na sa awroridad ang duha ka mg kawani sa Marabut lakip sa armas ug sakyanan alang sa imbestigasyon.

Dugang pa, ang Danao naila nga himoanan sa nagkalainlaing klase nga armas. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!