GIDUNGGAB sa wala maila nga lalaki ang usa ka batan-on nga nag-atang og bus alas 12:30 sa tungang gabii Sabado sa Barangay Puerto, dakbayan sa Cagayan de Oro.
Nilanding sa Northern Mindanao Medical Center (NMMC) ning dakbayan ang si Melchor Mercader, 19, ulitawo nga taga Surigao del Norte.
Sa nahipos nga impormasiyon gikan sa NMMC, giingong nag-atang og bus nga masakyan si Mercader ug laing kauban dihang giduol sa wala maila nga suspek ug nangayo og pangpalit og sigarilyo.
Giingong wala kini sila mohatag apan kalit nga nasuko ang suspek dayong dunggab sa biktima.
Dali usab kining misibat sa wala matuki nga direksiyon human sa maong panghitabo samtang ang biktima nakaangkon og samad dinunggaban sa iyang kilid nga bahin sa lawas.
Nagpaalim pa sulod sa NMMC ang nahisgutang biktima samtang gawasnon pa ang suspek ning panahona