USA nalang ka daog ug ang Boston Celtics mosangka unta sa NBA Finals sa niaging season apan napilde sila sa Cleveland Cavaliers (3-4) diin sila niduwa nga wala ang ilang mga all star nga si Kyrie Irving ug Gordon Hayward.
“The East is still going to be a tough conference. I think a lot of people are writing the East off," matod ni Hayward Ang Boston kinsa nahimong paborito sa East niadtong nakalabay nga off season tungod sa pagkuha niini kang Hayward uban ni Irving kinsa nibiya sa Cavaliers.
Kalit nga nawagtang sa team si Hayward human kini nakaangkon og dili tiaw nga injury sa iyang tiil atol sa iyang unang duwa sa Celtics uniform.
Samtang si Irving kinsa nakaduwa pa og 60 ka games sa unang tuig niini sa Boston, nahunong tungod sa surgery sa iyang tuhod, hinungdan nga napungkolan ang team.
Apan bisan paman sa pagkawala sa labing maayo nga mga player sa Celtics, tungod sa paningkamot sa tibuok team niini direyot pa sila nasulod sa NBA Finals.
Si Al Horford maoy nibarog nga pangulo sa Celtics inabagan sa ilang sensational rookie nga si Jason Tatum ug ang talagsaong abilidad nilang Jaylen Brown ug Terry Rozier sa post season ug ni Marcus Smart.
Si Lebron James kinsa walo ka tuig sa East nga naghari, gitapos na niini ang iyahang kontrata sa Cavaliers ug nitapon na kini sa loaded nga West ug nipirma og upat ka tuig nga kontrata Los Angeles Lakers.
Apan dili ingon niini kadali ang pagsakmit sa conference title sanglit nagpalig-on usab ang ubang NBA team.
Ang Toronto Raptors mao’y no. 1 seed sa East niadtong nakalabay nga season nga gibulakan sa ilang 59 ka mga daog.
Nakahatag og hulga sa liderato sa Celtics sa East mao ang Toroton Raptors gumikan sa presensiya ni Kawhi Leonard, kinsa ilang bag-ong nakuha gikan sa San Antonio Spurs baylo usab sa ilang star player. (HBL)