GILUBONG sa Alaska Aces ang San Miguel Beermen, 125-104 aron likayan ang pagka-sweep ug hatagan pa sila og laing kahigayonan sa ilang best-of-five series sa PBA Commissioner’s Cup didto sa Ynares Center.
Sama sa naandan, ang ilang pambato nga si Vic Manuel ug import nga si Diamon Simpson ang nangulo sa Aces, apan niining higayuna dako ang natabang sa mga bench players, pinanguluhan ni Abel Galliguez. Si Galliguez namungot sa second quarter human nihimo og lima ka sunod-sunod nga mga puntos para sa 12-0 run para sa Aces nga maoy nakahatag sa ilang pinakadakong labaw, 45-35.
Nahibalik na sab ang 20-point margin ni Manuel human siya nirehistro og 24 points diin naputol ang iyang 11 ka 20 point game sa game one sa maong series.
Si Simpson nibahog og 20 puntos ug 13 rebounds para sa Aces.
“I love my guys. They don’t give up. We are down 0-2 against the best team in the league. There is every possible reason to give up and they didn’t,” matod ni Alaska headcoach Alex Compton.
“Thought everybody contributed at a time where obviously we are still down. We are very down,” dugang niya.
Si Jvee Casio niamot sab og 15 puntos samtang si Simon Enciso nidugang og 10 puntos para sa Aces nga nihimo og 17-3 run human sa third quarter, 94-77.
“Apparently, in basketball, making shots matters. And we made some. Today just kinda felt like it’s our day. We made a bunch of shots and we made bounces going our way. Just felt like one of those days. I hope we have more,” pasabot pa ni Compton.
Ang Beermen gipanguluhan ni Renaldo Balkman pinaagi sa iyang 23 points ug 11 rebounds samtang si June Mar Fajardo nitunol og 18 points ug 15 rebounds.
Ang Beerman gilubong og 23 puntos sa fourth quarter apan ila kining napaubsan ngadto na lang sa 13 puntos.
Human nihimo og back-to-back points si Manuel, 117-100 wala na makabalos pag balik ang San Miguel hangtod sa ilang hingpit nga kapildihan.
Ang game four duwaon karong adlawa sa Smart-Araneta coliseum diin paningkamutan sa Aces nga tablahon ang series diin ang modaog maoy mosangka sa modaog tali sa Rain or Shine ug Ginebra Kings sa PBA Finals. (Jude Suhot)