SECTIONS
Wednesday August 15, 2018
SUPERBALITA DAVAO

Sara: Pederalismo isip panglingla alang sa kadaugan?

Budyong Sa Paglaum

“THE Church is called to contribute to the purification of reason.” Kini ang awhag ni Pope Benedict XVI diha sa iyang sinulat sa Deus Caritas Est.

Ang katawhan sa nasud sa Pilipinas naghinam-hinam nga madungog ug mapaminaw ang SONA kun State of the Nation Address gikan sa atong Presidente, Rodrigo Duterte, nga gitakda ugmang adlawa, Hulyo 23, 2018.

Usa niining isyu nga gipaabot nga hisgutan mao ang pag-usab sa atong 1987 Constitution ug ang pagbalhin gikan sa demokratiko ngadto sa Pederalismong porma sa gobyerno.

“The proposed federal form of government being pushed by President Duterte is a “Trojan horse,” matud pa ni Manila Bishop Broderick Pabillo, dugang pa niya, “The federal system of government only serves as a smokescreen for Duterte to take total control of the country.”

Kining maong panglantaw ni Bishop Pabillo nga ang maong plano aron bag-ohon ug usbon ang 1987 Constitution ngadto sa iyang gitawag og “Trojan Horse” maoy usa ka dakung lingla sa unsay tinuod nga hisgutanan ug posible nga kini maoy modala ngadto sa pagkapukan sa demokrasya sa atong nasud.

Ang pulong “Trojan Horse,” sumala sa atong nahibaw-an sa pagtuon sa Greek Methology, nga usa kini ka higanting kabayo nga may bayhon sa kabayo nga mao kini ang gigamit isip higanting trophy nga iregalo alang sa kadaugan diha sa pakiggubat ug gihimo nila kini isip paglingla ug paglipat aron sila magmadaugon.

“Duterte is presenting federalism as the magic wand to bring about prosperity to the whole country,” dason ni Bishop Pabillo. Kining maong pag-angkon usa kini ka butang nga kadudahan apan ang planong Pederalismo maoy mahimong tulay aron mausab ug mabag-o ang 1987 Constitution sa Pilipinas.

Ang mga kadagkoan sa Katolikong simbahan mibarog sa testamento nga dili pa ang sakto ug tamang panahon aron amendahan ang 1987 Constitution sa paigong rason nga ang kalikopan sa atong nasud dili makahatag og maayo ug matukion nga pagsalmot.

“Amending the fundamental law of the land, so carefully crafted for the common good after years of dictatorship, requires widespread peoples' participation and consultation, unity of vision, transparency, and relative serenity that allows for rational discussion and debate.” Kini ang gibarugan sa mga kadagkoan sa simbahang Katoliko.

Ginaingon nga dunay kultura sa kahadlok ug mga bagis-atake nga gipausbaw gikan sa atong pangulo. Pinaagi sab sa media, si Presidente Duterte nisaad sa iyang kaugalingon nga moluwat sa puwesto kung ang problema sa dagan sa trapiko sa Metro Manila dili pa masulbad sulod sa tulo ka bulan.

Nidugang siya sa paghisgot, kung ang problema sa “job contractualization” dili pa maresolba sulod sa unom ka bulan, ug kung ang problema sa mga “illegal drugs” dili masugpo ug mahunong sulod sa unom ka bulan.

Sumala pa ni Bishop Pabillo, “He did not keep his word and continues to be the President,” dugang pa niya, “So it is difficult to believe that he would keep his word this time around.”

“Iwali ang pulong; may kahigayonan ka o wala, magmadasigon ka niini; himoa ang pagpamadlong, ang pagsaway, ug ang pagpanambag diha sa tumang pagkamapailubon ug sa pagpanudlo. – 2 Timoteo 4:2

May kahigayonan o wala, nga ang tingog sa bagang duot sa katawhan ug dili sa mga “self-serving” nga mga politicians nga mao untay mopatigbabaw sa bisan unsang pamaagi sa pag-usab sa maong Constitution.

“Kon ang usa ka bahin magaantus, nan, ang tanan magadungan sa pag-antus; kon ang usa ka bahin pasidunggan, nan, ang tanan magadungan sa pagkalipay,” - (1 Corinto 12:26).

Busa, dili kita mohunong sa pag-ampo ngadto sa atong Diyosnong Amahan nga protektahan unta Niya ang atong pinalanggang nasud ug ang Iyang mga katawhan batok sa pagpang-abuso ug pagpanglupig sa isigkaingon.

(Comment/feedback 09109006290)


VIEW COMMENTS