Vhong, time traveller sa pelikulang “Unli-Life”

AIN na usab nga pelikulang mopakatawa kanato nga showing na sunod buwan-- ang “Unli-Life” nga bituonan sa “It’s Showtime” host nga si Vhong Navarro.

Time traveller ang papel sa atong bida ug makita niya ang nagkadaiyang panahon sama sa 70’s, gubat batok sa mga Hapon ug sa panahon dihang buhi pa ang dinosaurs.

Gikan sa heartbreak sa uyab niining si Winwyn Marquez, si Vhong desperadong niadto sa usa ka bar. Dinhi niya napanag-iya ang usa ka gamhanang botelya nga maoy nakapa-transport niya sa nagkalain-laing panahon.

Kon unsay nahitabo maoy atong atangan kay siguradong mobahakhak kita og kinatawa.

Ang pelikulang “Unli Life” sa Regal Entertainment ubos sa direksyon ni Mike Livelo. Makauban sad dinhi ni Vhong ang bag-ong komedyante nga si Donnalyn Cariaga. Dad-on sab niya dinhi ang pagpangita sa iyang ex nga si James, kini pa lang agik-ik na ang resulta.

Naa usab silang Joey Marquez, Jon Lucas, Alex Calleja, Kamille Filoteo, Isabel Ortega ug may espesyal nga partisipasyon silang Dimples Romana ug Epi Quizon sa “Unli Life”, ay’g saba!

Pagkaswerti ni Vice Ganda kay silang Dingdong Dantes ug Richard Gutierrez ang iyang leading men sa pelikulang “Fantastics: The Princess, The prince and the perya” nga entry niya sa MMFF karong December.

Parti usab sa cast ang Jaclyn Jose uban pa nilang Bela Padilla, Lassy, MC, Ryan Bang, Ronnie Alonte, Chocoleit ug ang finalist sa “Pilipinas got talent” nga si Joven Olvido.

Ma-feature sab ang mga loveteam nga “Mayward” Maymay Entrata ug Edward Barber, “Donkiss” Donny Pangilinan ug Kisses Delavin ug “Loinie” Loisa Andalio ug Ronnie Allonte, ay’g saba!

Unsa ka tinood nga nag-balik ang mag-exes nga Angelica Paganiban ug Carlo Aquino?

Daghang fans ang naglaum nga tinuod ang tsismis. Pero sa pagkakaron ato unang tagbawon ang atong kahinam nilang Carlo ug Angelica sa umaabot nilang movie nga “Exes Baggage” sa direksyon ni Dan Villegas, ay’g saba!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph