ANG Department of Social Welfare and Development (DSWD) sa Central Visayas nagsugod na sa pagpanghatag sa cash grants ubos sa Unconditional Cash Transfer (UCT) ngaadto sa 47,289 ka social pensioners nga indigent senior citizens.
Sa 47,289 social pensioners, ang 18,628 gikan sa Bohol ug ang 28,661 gikan sa Cebu.
Ang nasudnong kagamhanan nga UCT program nahatag tungod sa Tax Reform for Acceleration and Inclusion (TRAIN) law.
Base sa hinihusang circular sa DSWD ug Department of Finance (DOF) ug ang Department of Budget and Management (DBM) sa UCT program implementation nga ang pundo naa sa Land Bank ug gamiton lang subay sa operational guidelines of DSWD.
Ang UCT cash grant usa ka nag-unang benepisyo alang sa Pantawid Pamilya partner-beneficiaries ug Social Pensioners nga nagdawatan usab sa ilang regular cash grant ug cash stipend.
Ang UCT gjkonsiderar nga labing dako nga tax reform mitigation ubos sa TRAIN law diin nangita sa paghatag sa 10 million beneficiaries lang sa subsidy nga mobalor og P200 matag buwan gikan sa 2018 ug P300 matag buwan sa 2020. (PR)