Duwa karon
7:00 pm- Ginebra batok Rain or Shine
MOSUWAY pag-ambak sa finals ang Brgy. Ginebra Gin kings sa ilang pagpakigbatok og balik sa Rain or Shine Elasto Painters karong gabii sa Game 4 sa Philippine Basketball Association (PBA) Commissioner’s Cup semi-finals series sa Araneta Coliseum.
Ang Gin Kings nakamugna og 2-1 nga bintaha sa best-of-five series human sila nakaipsot sa pagpanghudlat sa Elasto Painters aron iposte ang 75-72 nga kadaugan sa Game 3 niadtong Sabado sa gabii.
Ning duwaa, nagbangis og maayo si import Justine Brownlee ug gipangulohan niya ang kadaugan pinaagi sa iyang 44 puntos. (ESL)