HUMAN sa tulo ka tuig nga mipaubos sa drug rehabilitation program hingpit nang natapos ni JM de Guzman ang iyang pagpa-rehab niadtong Sabado.
Atol sa graduation ceremony, nitambong ang pamilya sa actor aron sa pagsaksi sa iyang malampusong pagtapos sa SELF Treatment, Rehabilitation & Value Formation.
Ang maong kalihokan gipahigayon sa Sacred Heart Auditorium, SELF Taal View House, Talisay, Batangas, base sa taho sa PEP.ph.
Amahan ni JM nga si Ronniel de Guzman maoy nag-post sa mga hulagway diha sa social media, samtang giuwan og greetings ang actor gikan sa iyang showbiz friends.
Nasayran nga nipaubos sa voluntary rehab si JM gumikan sa pagkagumon sa ginadiling drugas. (S)