SECTIONS
Wednesday August 15, 2018
SUPERBALITA CEBU

Kris ug Vice nagkauli

Kris Aquino ug Vice Ganda / krisaquino Instagram

“All’s well that ends well.”

Nagginaksanay sila si Kris Aquino ug Vice Ganda niadtong Sabado sa gabii atol sa block screening sa “I Love You, Hater” nga gipahigayon sa Trinoma Mall, Quezon City.

Wa kapugngi ni Kris nga makaluha ug nagpunay og ingon ngadto ni Vice nga “na miss ka namin.”

Daghang nalipay sa “unexpected reconciliation” sa duruha human nga gikatahong nagbungol sukad niadtong nibiya si Kris sa ABS-CBN.

Nasayran sa PEP.ph nga si Vice maoy nag-sponsor sa maong block screening sa maong pelikula nga gibidahan nila ni Kris, Joshua Garcia ug Julia Barretto.

Sa sayo pa, daghang netizen ang nangutana kon okay pa ba ang relasyon ni Kris ngadto sa iyang kanhi suod nga higalang comedian, gitug-an sa Queen of All Media nga bisan nga dili na sila “close” nagpabilin ang ilang panaghigala.

Apan niadtong Sabado naulian ang bugnaw nilang pagtinagdanay. (S)


VIEW COMMENTS