KUALA LUMPUR, Malaysia -- Ang Philippines basketball girls team nagsugod na ilang kampanya sa pagdepensa og titulo sa 2018 Asean Schools Games human ilang gidabuhan ang Indonesia, 91-84, niadtong Sabado dinhi sa Gem sa Mall, Cyberjaya.
Si Chiang Kai Cheng Shek High School head coach Angeline Piao Fedillaga, ang nangulo sa ilang under-18 squad aron mosunkit og ikaduha sagunson ASG titulo, misalig kang ASG returnee ug beteranong Palarong Pambansa Kent Jane Pastrana kinsang miiskor og 25.
Nakurat ang Indonesian dribblers dihang ang Pinay cagebelle mihimo og full-court trap, hinungdan napugos sila matala ang kinatibuk-an 23 turnovers.
Si Negrense Pastrana dunay unom ka steals uban ang lima ka assists samtang si Karl Ann Pingol ug Carla Galamiton miambag og 14 ug 12 puntos matag usa.
Ang depensa sa Pilipinas milimita sa Indonesian team ngadtoo sa 21.4% shooting diin si Guard Ontiana Oktaviane sa Indonesia ang dunay pinakataas nga iskor nga dunay 7 puntos.
Samtang sa Majlis Bandaraya Shah Alam, ang volleyball boys ug girls teams pakyas sa ilang unang duwa diin pildi sila sa ilang tagsa kalaban.
Ang Indonesian spikers gipalukapa ang Rogelio Getigan-mentored Philippines girls team sa tulo ka sets, 25-19, 25-16, 25-9.
Samtang ang boys volleyball team nakatilaw og pildi sa kamot sa defending champions Thailand sa upat ka sets.