ANGKONA ang tiyansa nga mahimong parte sa sunod nga klase sa NextUp Manila sa 2018!
Gianunsiyo karon sa YouTube ang paglusad sa sunod nga indigay sa NextUp sa Pilipinas aron painiton pa ang karera sa mga lokal ug umaabot nga magmumugna sa Youtube o YouTube creators.
Sukad gilusad niadtong 2011, ang NextUp nakatabang na sa 500 ka creators sa sobra 13 ka nasud nga mas mo-aswat pa sa sunod nga lebel.
Nahatagan sila og dugang kabatid, pagmatuto kanila, ug koneksiyon aron maayudahan silang makamugna og maawhagong mga konteksto.
Karon nga tuig, ang YouTube NextUp nangita sa mga mamugnaon ug makadasig nga mga magmumugna (creators) nga mosalmot sa usa ka semanang creator camp sa sunod nga YouTube Pop-Up Space Manila gikan Septyembre 7 ngadto Septyemre 12, diin sila makat-on sa mga teknik sa produksiyon gikan sa mga NextUp Alumni, makatrabaho sab ang mga inilang YouTube creators.
Kinsa ang sunod nga NextUp? Ang YouTube nangita sa mga mabination ug madasigon nga YouTube creators diin andam nga momugna og epektibong istorya nga dunay maayong kahanas sa produksiyon; kadtong nangita og makagiya kanila gikan sa produksiyon ug mga channel development experts, ug maikagong partisipante nga nangita'g oportunidad nga makig-buligay sa mga ginasahang magmumugna ug mahimong parte sa kalibutanhong komunidad sa NextUp.
Kung ikaw mapili nga moapil sa klase sa NextUp Manila 2018, ikaw makadawat sa:
*Nagpadayong strategic account management sa YouTube Creator and Artist Development Team
*Usa ka semana nga Creator Camp sa YouTube Pop-Up Space
*$1,000 USD nga production voucher
*Paggiya/pagtudlo sa Alumni/Top Creators
Sa pag-apil sa kontest, mabasa ang kinatibuk-ang detalye sa youtube.com/nextup ug kumpletuhon ang porma sa aplikasyon. Takus nga makasud sa NextUp Manila, kung ang imong tsanel may maayong kabutang, uban ang 10,000 ngadto100,000 nga magsasalmot.
Ang tsanel pilion sab subay sa ilang potensiyal nga kalambuan, kapasidad nga makadani og mga tigpanubay, ug kung kini nagsubay sa YouTube core values.
Uwahing adlaw sa pagsumite og porma sa aplikasyon karong Agosto 3, 2018.
Gilantaw nga ang paglusad sa NextUp sa Pilipinas makatabang nga molambo pa ang oportunidad sa nagkadaghang magmumugna nga Pinoy.
Sa nakalabay nga tuig, sa Pilipinas dunay 50 porsiyento nga paglambo sa oras sa mga konteksto nga gi-upload sa YouTube.
Ang ihap sab sa Gold Creator Award Channels ang midoble, diin may sobra sa 15 ka Gold Creator Award channels sa 2018.
"Gidala namo ang NextUp ngadto sa Pilipinas isip suporta sa mga Filipino creators, nga usa sa mamugnaon ug madasigon sa kalibutan. Buot sab namo nga mag-level up pa ang ilang karera sa YouTube pinaagi sa pagpakita nila sa mas makahulugang pagtulun-an," pahayag ni Gabby Roxas, ang Google Philippines Country Marketing Manager.
Dugang niya,"Gihatagan sab namo og oportunidad ang mga magmumugna nga Pinoy nga madasig ug makat-on gikan sa ubang creators sa kalibutan nga mopaambit sab sa ilang interest sa pagmugna og mga bantugang topiko sa onlayn."
Sa mga pangutana kalabot YouTube NextUp Manila, duawa ang youtube.com/nextup o magpadala og email sa nextup@youtube.com.