Sona ni Presidente Duterte

KARONG adlawa ang ikatulong State of the Nation Address (SONA) ni Presidente Rodrigo Roa Duterte didto sa Kongreso.

Tanang Pilipino nag-atang sa ipangbungat sa Pangulo nga resulta sa iyang tagline nga “Tunay na Pagbabago”.

Siyempre, garbo sa tanang Pilipino ang matag pulong nga mogawas sa baba sa Presidente gumikan kining tanan pulos kalamboan.

Gani, sa unang Sona niini, ug sa ikaduha, kombensido man gayod ang mga Pilipino kay nakita man ang dakong kabag-ohan, gikan sa pagkubos sa kriminalidad, sa hisgutanan sa ilegal nga drugas ug ang korapsyon.

Patas sab kaayo motratar ang Pangulo, kay sa ikaduhang Sona niini iyaha mang giatubang ang progresibong pundok nga nag-rally, iyang giistorya, gipasabot.

Unsa napod ba kaha'y mga kabag-ohan karon nga hisgutan sa Pangulo? Gani, ang mga mag-uuma sa Davao Del Sur usa na sa mga naghulat niini aron ilang masayran kung duna ba gayo'y kabag-ohan kung agraryo na ang hisgutan, kay suma pa, nagpait sila.

Suma sa mag-uumang si David Gulayan, 42-anyos, sa lungsod sa Magsaysay, Davao del Sur, nga gikinahanglan nilang modugang og P1 sa matag kilo sa palay.

Nadugangan sab og P12 ang matag sa bugas nga ilang paliton ug mokabat sa P13 ngadto P14 ang ilang magasto sa matag nga panginahanglan sa umahan nga ilang paliton tungod sa Tax Reform for Acceleration and Inclusion (Train) Law.

Mahisgutan unta sa Pangulo karong adlawa sa iyang Sona ang Train Law, aron masabtan gayod sa bagang-duot sa pobre ang maong balaud, kay kung nasabtan pa kini pag-ayo, hayan way daghang nagbagutbot kay naglisod gayod karong panahona.

Dugang niini, mapasalamaton gihapon ang mga Pilipino gumikan nabati ang dakong kabag-ohan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph