SECTIONS
Wednesday August 15, 2018
SUPERBALITA DAVAO

Genoguin: Lig-on nga pagsalig

Kontra Balanse

SA MILABAY nga survey sa Pulse Asia niadtong bulan sa Hunyo mikunhod ang ratings ni Presidente Rodrigo Roa Duterte, nga sukad sa paglingkod niya sa pagka-presidente niadtong Hulyo 2016, nanganawkanaw kanunay ang iyang ratings sa bisan unsang ahensiya sa nag-survey.

Sumala sa obserbasyon, tungod daw sa pagpanamastamas niya sa atong Diyos nga ginganlan niya ug estupido.

Sa ato nang giingon, tagsa-tagsa kita og obligasyon ngadto sa atong Labaw’ng Magbubuhat, ang sala nimo ikaw manubag, maingon nga ang sala nako ako ang manubag ngadto sa Diyos, ug kitang tanan nasayod nga ang atong Presidente nangayo na’g pasaylo sa atong Ginoo.

Bisan tuod ug mi-ubos ang iyang ratings, apan di sama kaubos sa ratings sa mga nangaging presidente. Siya ang pinakataas og ratings sa kasaysayan sa mga Presidente sa Pilipinas.

Trust and satisfaction, buot ipasabot pagsalig ug kontento ang kinabag-ang duot sa katawhang Pilipino sa iyang pagdumala, tungod kay sagad sa iyang gibuhat, mao ang pagtubag sa mga problema sa Masa.

Sa mga politikong "yelowhan" wa nila kini makita tungod kay mga 'elite' man kini sila, ang ila rang kaugalingon ang ilang ginatan-aw, tungod kay gigutom na sila karon, ubos sa administrasyong Duterte.

Tingog sa Masang Pilipino ang nag-ingon nga may pagsalig sila sa pagdala ni Presidente Duterte sa atong nasud.

Sa laing bahin, unsa kining HNP? Ang tanan siguro nasayod nga bag-o kining political party ang Hugpong ng Pagbabago nga gimugna ni Davao City Mayor Sara Duterte-Carpio.

Niadtong milabay nga Huwebes, kauban si Governor Anthony Del Rosario sa Davao del Norte, gi-adtoan ni Mayor Sara ang Lungsud sa Pantukan sakop sa Compostela Vallay Province, aron manumpa ang 11 ka mga Mayores sa maong probinsiya sa HNP.

Sumala pa sa atong nahibaw-an, isunod ang mga Mayor sa probinsiya sa Davao del Norte nga manumpa sa HNP gikan sa PDP-Laban.

Unsaon nalang kaha, nga giluwatan baya ni Mayor Sara nga duna siya'y ikampanya aron di na mausab ang iyang pagka-Congressman, na kinsa kaha kini?


VIEW COMMENTS