GIPANG-RESCUE sa Sta. Ana Police Station ang siyam ka mga menor de edad kinsa naglatagaw sa dis-oras sa kagabhion sa Barangay Centro Agdao, Agdao District, Davao City.
Gipangkuha na sa ilang mga ginikanan ang siyam ka mga batan-on, apan una giintrigo ang ilang mga anak, gisermonan una sila sa kapulisan sa Women and Children's Protection Desk (WCPD) sa mga angay buhaton isip mga ginikanan ngadto sa ilang mga anak.
Nasayran nga alas 3 na sa kaadlawon kagahapon naagian sa nagpatrolya nga kapulisan sa Sta. Ana PNP ang siyam ka menor hinungdan nga gipangkarga sila sa mobile patrol.
Sumala ni Sta. Ana PNP station commander Chief Insp. Michael Uyanguren ngadto sa mga ginikanan nga batasanon niini ang pag-monitor sa ilang mga anak aron di kini mahimong Children in Conflict with the Law (CICL). (Jeepy P. Compio)