Mga bakwit naanad na sa Kapitolyo

NAKA-ADJUST na ang mga bakwit nga nagpasilong sa hawanan sa Kapitolyo karong panahona kay sa marelokar.

Ang mga lumad nga Tagbalunon nga 36 ka pamilya nga apektado sa kagubot sa Sitio Kamansi sa Banglay Lagonglong niaging bulan ang pabilin nga nagpasilong karon sa hawanan sa Kapitolyo.

Matud ni Datu Rudolfo Ayuma nga sa pagkakaron nga human sila pakigkita ni Governor Bambi Emano ilang nadesisyonan nga magpabilin nalang gyod usa sa Kapitolyo samtang ang fact finding team mobisita sa ilang lugar.

Naanad na sila sa kapitolyo human gisugyot kanila nga irelokar na lamang sila ilabina dili gyod mobiya ang mga sundalo sa ilang dapit ug dili moguba sa ilang detachment.

"Amo kadtong yutang kabilin ug dili mahimo nga marelokar mi. Didto among panginabuhi-an mao dili mi makatugot nga marelokar. Mas naanad nami diri sa Kapitolyo," payahag ni Ayuma sa sakop sa media.

Dugang niini nga walay panahon ang ilang pamilya karon sa paglabing-labing kay dili kini nila prayoridad sa sitwasyon nga ilang giatubang karon. (SVB)