Mga kaso sa buy bust gibasura lang?

GIINGONG 50 porsyento sa kaso may kalambigitan sa ginadili nga druga sa Misamis Oriental ang giingong gi-dismiss sa korte ug ang mga nadakpan niini ang nakagawas sa prisuhan.

Kini ang pahayag ni lawyer Jocelyn Matteo, sa Misamis Oriental Provincial Admistrator ug sakop sa Provincial Peace and Order Council atol sa press briefing.

"It was found out nga most of the time more than 50 porsyento of the cases filed in court ang ma-dismiss," matud ni Matteo ug nasuta nila ang rason nga ang mga nag-operate niini sama sa kapolisan, sakop sa Philippine Drug Enforcement Agency (PDEA), National Bureau of Investigation (NBI) ang adunay dili sakto nga proseso nga nahimo.

Gipasabot ni Matteo nga giingong dunay mga kakulangon diha sa pagproseso sa ilang pagpahigayon og drug operation.

Aron mahimomg epektibo ang drug operation sa kapolisan gibutyag niini nga gimando Misamis Oriental Governor Yevgeny Vuncente Emano nga ang mga personahe niini og training o workshop kalabot sa mga proseso sa operasyon sa druga labina dako ang suporta sa kagamhanan sa drug clearing nga mandato ni Presidente Rodrigo Duterte.

"What better way to do that nga daghan toud ta og buy-bust operation pero ma-dismiss raman pod diay ang kaso," matud ni Matteo.

Usa ka inter-agency workshop ang bag-o lang gipahigayon sa kapolisan, personahe sa PDEA ug NBI ug lakip sa giimbitahan ang mga judge nga miyembro sa PPOC ug provincial prosecutor diin dinhi gitudlo unsay epektibo nga solusyon aron dili mabasura ang mga kaso sa drug operation.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph