SECTIONS
Sunday, December 16, 2018

4 patay sud sa 24-oras

MAKAALARNA na?

Halos kada adlaw sa miaging semana ang dunay kaso sa pagpamusil-patay sa Metro Cebu.

Ug sulod lang sa 24-oras niadtong Sabado hangtod kagahapon, upat ang patay, lakip ang mag-amahan sa dakbayan sa Lapu-Lapu ug Sugbo.

Kagahapon, nakalas ang tulo ka mga lalake diin lakip niini ang mag-amahan nga naghuwat og masakyan dihang paingon na unta sila sa ilang trabahoan.

Ang mga biktima naila nga si Angni Osman, 52; anak niini nga si Nasim Osman, 22; ug ang technician sa usa ka computer shop nga si Jamel Babanggol, 22, mga Muslim.

Nahitabo ang pagpamusil diha atubangan sa plaza sa Barangay Poblacion, Lapu-Lapu pasado alas 2:00 sa hapon kagahapon.

Matod ni SPO1 Lydo Pinos, sa Homicide Section sa Lapu-Lapu City Police Office nga nag-atang og kasakyan ang mag-amahan atubangan sa maong computer shop dihang kalit lang aduna’y upat ka mga lalake nga nagsakay og motor ang nihunong ug gipusil og una si Nasim sa bukton.

Nakadagan pa kini pasulod sa computer shop diin didto na kini gitiwasan og pusil, samtang gipusil usab ang amahan niini sa gawas sa maong computer shop.

Matod ni Pinos nga dili pa sila katino kon naamong lang ang maong technician o lakip kini sa target.

Gibutyag niini sa Superbalita Cebu nga wala pa sila’y motibo sa maong insidente.

Giingon nga sakay ang upat sa duha ka motor ug nagsul-ob kini og bonet ug helmet.

Samtang sa patay usab ang usa ka 36-anyos nga lalake human kini pusila sa wala pa mailhi nga mamumuno sa Gabriel Elorde St., Barangay Mambaling, dakbayan sa Sugbi niadtong Sabado sa gabii.

Ang biktima naila nga si Jeffcloyd Cui, minyo, kinsa residente sa Avocado St., Brgy. Mambaling, dakbayan sa Sugbo.

Sa pakisusi sa kapulisan, naglakaw kining biktima paingon pauili gikan sa usa ka birthday party pasado alas 11 sa gabii.

Dihang aduna’y duha ka mga wala pa mailhi nga lalake ang nipusil kaniya sa kadaghang higayon.

Nakasulod pa ang biktima sa usa ka panimalay sa dapit apan gisundan kini ug gipatay.

Gideklarar nga patay ang biktima sa maong crime scene.

Samtang gitan-aw karon ang motibo nga adunay kaaway o naglagot sa biktima sa pagpusil patay niini.

Padayon ang gihimong follow-up investigation sa Homicide Section sa Cebu City Police Office subay sa maong insidente.

Niadtong Biyernes, upat ang patay. Usa ka batan-ong konsehal gibanhigan sa Cebu South Coastal Road sa Cansojong, dakbayan sa Talisay. Samtang, tulo ka mga priso sa Talisay City Jail ang namatay sa pagbanhig padulong unta motambong sa husay sa ilang kaso.

Niadtong Huwebes, usa ka kanhi pulis ang gipusil sud sa tunghaan sa Labangon Bliss Elementary School, hinuon, luwas ang kahimtang niini.

Niadtong Miyerkules, unom ka mga drug suspect ang napatay sa drug raid.

Laing usa ang gikatahong gipusil-patay ang giingong hitman.

Ang naasoy nga mga taho nahimong banner ning mantalaan. (S)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!