Editoryal: Dakong rollback sa presyo sa lana tayming sa SONA

DUNAY wala matagbaw apan aprubado sa uban ang taho ni Presidente Rodrigo Duterte atol sa iyang ikatulong state of the nation address (Sona) kagahapon.

Ang mga walhong grupo ug mga sakop sa kontra nga partido sa administrasyon naghimo og protesta-rali, sama sa hulagway sa mga nangaging Sona sa managlahing presidente sa nasod. Walay kabag-ohan sa dagway sa protesta sa kadalanan.

Apan, ang grupo nga pabor sa administrasyon nipakita usab sa ilang pwersa pinaagi sa paglusad og martsa-rali. Yawyaw didto, singgit diri sa mga batakang isyu ug reporma sa kagamhanan.

Wala hisgoti ni Duterte ang dakong rollback sa presyo sa mga produkto nga ipatuman karong adlawa. Wala kaha masayod si Duterte? Dili na angay nga masayod ang opisyal sa kagamhanan kon unsay dagan sa presyo sa lana?

Apan importante kaayo ang lana. Kon dunay kausaban sa iyang presyo, dako ang epekto niini sa presyo usab sa mga nag-unang palaliton tungod sa transportasyon. Responbilidad sa kagamhanan sa pag-monitor ug kontrol sa iyang presyo.

Ug posible nga walay kasayoran si Duterte ug bisan ang Department of Energy (DOE) tungod sa deregulasyon sa industriya sa lana. Sukwahi kon deregulated, ang mga kompaniya sa lana mopasaka pa og petisyon aron makaumento sa ilang presyo sa bisan unsang rason nga nagpaluyo niini.

Ang nagpakabana nga grupo nagduso sa deregulated nga kahimtang undustriya ug ang kagamhanan mohimo og polisiya sa pagpalipod usab sa negosyo sa lana apan wala kini sa Sona ni Duterte.

Mapasalamaton kita nga atol sa Sona ni Duterte kagahapon, gipahibalo sa mga kompaniya sa lana ang ilang bigtime rollback sa presyo sa lana karon. Kumusta kaha sa sunod semana?