GIAWHAG ang mga tinun-an sa tanang level sa dakbayan sa Mandaue nga mosalmot sa logo making contest alang sa countdown sa ika-50 nga charter day sa dakbayan sunod tuig.
Kini human ang Department of Education (DepEd) nihangyo sa kagamhanan nga pasalmuton ang mga tinun-an sa kompetisyon.
Nunot sa kalambuan, gilugwayan sab sa kagamhanan sa dakbayan ang deadline sa kompetisyon nga imbes matapos kagahapon ang submission of entries, gi-extend kini hangtod karong Biyernes.
Matod ni Jun Veliganio, information officer, nga sobra na sa 30 ka entries ang gisubmit ngadto sa Public Information Office (PIO) nga maoy nikupot sa entries.
Nasuta ning mantalaan nga P50,000 ang premyo sa makadaug sa contest.
Way nausab sa mechanics sa kompetisyon apan alang sa mga tinun-an kinahanglan nga botante ang ilang mga ginikanan sa dakbayan. (JPP)