BAG-O na ang hepe sa Lapu-lapu City Police Office (LLCPO) molingkod sugod karong adlawa human pahulipi sa kampo Crame ang kasamtangang direktor nga si Police Sr. Supt. Rommel Cabagnot nga miabot na sa duha ka tuig ang termino.
Ang mohulip kaniya mao si Sr. Supt. Lemuel Obon, kanhi battalion commander sa Regional Mobile Force Battalion sa National Capital Region Police Office (NCRPO) ug nahimo usab ning chief of staff sa NCRPO.
Si Sr. Supt. Cabagnot idestino lang una sa Police Ragional Office (PRO) 7 samtang wala pa mohatag ug laing posisyon ang kampo crame alang niini.
Matod ni Chief Supt. Debold Sinas, direktor sa PRO 7, nakigtagbo na sila kang Lapu-lapu City Mayor Paz Radaza bahin niini. (AYB)