GIHULAGWAY ni Mayor Tomas Osmeña nga intriga sa iyang mga kaatbang ang huhungihong nga siya masuspenso og dili mominos unom ka buwan ngadto sa usa ka tuig.
Ang mayor nitumbok sa kampo ni Secretary Michael Dino, presidential assistant for Visayas, ang tinubdan sa taho human gusto nga siya mawala sa katungdanan.
“I dont know.. I tell you the truth. I dont know but I tell you something, Dino is pushing for it because he’s going to be the mayor, it’s not (Vice Mayor Edgar) Labella,” matod ni Osmeña bahin sa giingong nag-ung-ong nga suspensiyon.
Ang maong report iyang gihisama kaniadto sa mga gipalakaw nga istorya nga siya kamatyunon gumikan sa sakit nga cancer, pasirad-an ug ibaligya ang Cebu City Medical Center, ug nagumon siya sa morphine (illegal drugs),
Ang mayor adunay walo ka administrative cases nga gisang-at sa Office of the President nga gisang-at nilang Konsehal Pastor Alcover Jr,, kanhi kapitan Ramil Ayuman ug uban pa.
Kon tinuod ang maong report, wala mabalaka si Osmeña ug iyang kining pakigbatokan.
Birthday wishes
Duha ka mga butang ang gipangandoy ni Osmeña atol sa iyang ika-70 nga adlaw nga natawhan karong adlawa.
Ang mayor nanghinaot nga makabaton ang mga Sugbuanon og malinawon, malambuon ug maayong ekonomiya.
Ikaduha mao ang pagkawagtang ni Kongresista Pantaleon Alvarez isip Speaker sa House of Representatives ug mas pabor siya kang kanhi Presidente ug karon Pampanga Rep. Gloria Macapagal Arroyo, diin yang suod human ninong si kanhi Presidente Diosdado Macapagal. (PAC)