GIPAHIBALO sa mga kompaniya sa lana nga mopatuman dakong og price rollback sa produktong petrolyo karong adlawa tayming sa ikatulong state of nation address (Sona) ni Presidente Rodrigo Duterte kagahapon.
Ang mga kompaniya sa lana nga nipaus-os sa ilang presyo sa gasolina ug krudo balor og 70 sentabos ug piso mao ang PTT Philippines, Seaoil, Caltex ug Shell, Phoenix, Unioil ug Petro Gazz stations.
Gipatuman ang pagkunhod sa presyo sa gasolina, krudo og gas alas 6:00 ganinang buntag.
Si Jay Julian, public relations and media relations executive sa PTT Philippines Corp., nagkanayon nga nipatuman sila og rollback gumikan sa pagkunhod usab sa presyo sa world market.
Matod ni Julian nga normal ang paglihok sa presyo sa oil products depende sa suplay gikan sa mga nasod nga Tungatungang Sidlakan nga maoy labing daghan og gi-supply sa world market.
Iyang gihulagway nga ang piso ug 75 sentabosoil price rollback maoy labing dako sa Hulyo.
Base sa data sa Department of Energy, ang presyo sa krudo matag litro nagsugod sa P40.70 ngadto sa P46.50 ug P48.35 ngadto sa P59.62 para sa gasolina. (PAC)