“YOUR concern is human rights. Mine is human lives.”
Mao kini mensahe ni Presidente Rodrigo Duterte ngadto sa human rights groups, mga nanaway sa iyang drug war.
Samtang naghatag og bug-at nga pasidaan sa mga nalambigit sa negosyo sa ilegal nga drugas.
Lahi sa iyang unang duha ka state of the nation address (Sona), si Duterte seryuso, way pamalikas ug kapatawa ug mubo lang kini.
Ngano kaha nga seryuso?
Ang gikatakda nga alas 4:00 sa hapon nga pagsugod sa Sona ni Duterte sa Batasang Pambansa Complex wa matuman ug nalangay og kapin sa oras tungod sa pagresulbar una sa kaguliyang sa liderato sa Balay Ubos-Balauranan.
Si kanhi Presidente ug Pampanga congresswoman Gloria Macapagal-Arroyo nanumpa nga bag-ong isip bag-ong House Speaker atubangan sa plenary nga gisaksihan sa mga kauban sa House of Representatives, hulip kang Davao Del Norte Rep. Pantaleon Alvarez.
Apan si Alvarez ang nisugat ni Duterte ug nipaila kang Duterte ug kauban si Sotto sa kinatibuk-ang Sona.
Human sa Sona, ang mga sakop sa House nibalik sa sisyon og balik ug gideklarar nga bakante ang lingkoranan sa speaker.
Sa botasyon, si Arroyo nikuha og mayoriya nga 184 ka botos nga nagkompirmar kaniya nga bag-ong speaker ug 12 ang abstained. Dunay 238 ka kogresista ang present.
Samtang, si Duterte niangkon nga napakyas sa pagkab-ot sa iyang kaugalingong deadline sa patapos sa illegal drug trade sa nasod apan gipasigarbo niya amg dadaghang kalamposan sa sa paggukod sa sindikato sa ilegal nga drugas.
Siya unang nisaad sa pagtapos sa ilegal nga drugas sulod sa unang unom ka buwan sa administrasyon apan napakyas ug nangayo og laing unom ka uwan nga lugway.
Apan niadtong Hunyo 2016, ni Duterte nangayo og dugang usa ka tuig nga extension.
“The war against illegal drugs is far from over,” matod ni Duterte.
“The illegal drugs war will not be sidelined. Instead, it will be as relentless and chilling, if you will... These drug dealers know fully well that their business is against the law. They know tha consequences of the criminal acts,” dugang pasidaan niya.
Samtang si Duterte niangkon nga ang drug war nahimong “nasty and bloody,” apan iyang gipasabotnga mas grabe ang epekto sadrugas kon dili masumpo ngadto sa kinabuhi, pamilya ug relasyon sa nadaut nga utok sa tawong nagumon sa drugas.
Ang presidente nilakbit-saysay sa mga isyu sama sa international relations, pagsira sa isla sa Boracay, pagsubli sa pasidaan batok sa modaut sa kinaiyahan sa sama sa minahan, pagtukod og mga inprastraktura nga wa magtutok sa Metro Manila ug uban pa. (RRM, SunStar Philippines)